Text: [ von JoDo am 2009-12-05 20:59:36 ]
Kindar , miar haum eine herrliche Zeit
wuascht wo ma hinschaut dar Mensch ist foi Freud
Wien is a Wödstadt des Gschäft geht wia gschmiat
und jeder Dritte ist motorisiert
Mi´m Auto foahst wo a greans Kranzerl Dir winkt
a vernünftiges, zünftiges Weanaliad klingt
duat wohnt sogoa noch a echte Gemütlichkeit
wia in da Bochhend´l zeit
Aba des Bochhend´l schmeckt nicht allein,
daß bessa runtarutscht brauch mar an Wein
und nach dem vierten Glas draht se de Wö´d im Kras
und wer uns zuaschaut sogt de zwa san klaß
A Kriagal a Glaserl a Stamperl a Tröpfal
do wearn uns´re Eigaln glei feicht
do wa´mt sie des Hearzal do draht sie mei Köpferl
de Fußaln wearn luftig und leicht
da muaß i da Musi an Hundata reibn
i bin in mein Himmel und daun geh i speibn
A Spitzal, a Schwipsal, a Räuscherl,
a Schwamm
is unsa tägliches Oabeitsprogramm.
Kuaz nachn Kriag do woars Lebn so mies
do hob i gsoff´n damit i vagiß
jetzt geht´s uns guat scho seit längara Zeit
do mocht des Sauf´n erst richtig a Freid
´s scho längst da Rekord übatroff´n bei uns
Milliarden wean jährlich vasoff´n bei uns
oba mia schaun uns daun uns´re Poitikar aun
die gehn mi´m Beispü voran
Woit´s net so vü Besoffane haum
gabat´s fiars Saufn net so vü Reklam
drum hear i niemois auf geht a mei Leba drauf
kriag i a Kraunkngöd, daß i´s vasauf
A Kriagal, ein Glaserl, a Stamparl, a Trankerl
und daun foar ma Automobü
daun scheib i wen nieda und der mocht ein Bankerl
passier´n kaun uns eh net sehr vü
weil wenn man uns kurz in den Häfen schickt
na wenn schon, ´s ist ein Kavaliersdelikt
Ein Spitzal, ein Schwipsal, a Räuscherl, a Schwül
man braucht zur Seeligkeit zwa drei Promü´
Der Mensch braucht
a Krügal, a Glaserl, a Stamperl, a Schluckal
waun i daun mei Oide verpesch
daun gfrein se de Leit und sogn des is a Schnuckal
weu bsoff´n sein is jo so fesch
und kriag ich ein Kindl, das wird ein Kretin
vü bleda ois mia kaun der a nimma sei
a Spitzal, a Schwipsal, a Räuscherl, a Schweigal
sonst füh´ ma uns nimma mehr woi
hob ich erst das nötige Quantum do drin
daun merk ich net wos fia a Trott´l i bin
drum brauch ma den Alkohol.
Text und Musik Gerhad Bronner
Heller und Qualtinger "Heurige und gestrige Lieder"
http://www.preiserrecords.at/album.php?ean=717281930956
